Asmoz Fundazioak Software Libreari buruzko formakuntza eta Software Librean oinarritutako erramintak erabiliz euskara hutsean edukiak eta materialak sortu eta digitalizatzeko hainbat baliabide ipintzen ditu eskuragarri webgune honetan interesa duen ororentzat.

Asmoz Fundazioaren helburua “kultura, gizarte, enpresaritza eta hezkuntza eremuetan interesgarri eta, orokorrean, euskal gizartearen garapen osorako beharrezkoak diren ikerketa eta irakaskuntza ekintzak garatzea” da. Eta bere eginkizunen artean, azpimarragarriak dira:

• Jakintzaren transferentzia bultzatu, erraztu eta sustatzea, batez ere sare telematiko eta euskarri digitalen bidez.
• Formakuntza, informazio-azterketa eta hezkuntza-behatoki ekintzak bultzatu, sustatu eta gauzatzea, baita dokumentazio, diseinu eta laguntza zerbitzuak ematea ere.